નૈરોબી: કેન્યામાં ભારે વરસાદથી પૂર, હજારો લોકો સલામત સ્થળે ખસેડાયા

પૂર્વ આફ્રિકાના દેશ કેન્યામાં સતત વરસાદને કારણે અનેક વિસ્તારોમાં પૂરની સ્થિતિ સર્જાઈ છે. રાહત એજન્સીઓએ અત્યાર સુધીમાં 12,000થી વધુ લોકોને સલામત સ્થળે ખસેડ્યા છે.

રાજધાની નૈરોબીમાં ઘણા રસ્તાઓ બંધ કરવા પડ્યા છે અને શાળાઓમાં બે દિવસની રજા જાહેર કરાઈ છે. હવામાન વિભાગે આગામી અઠવાડિયા માટે પણ ચેતવણી આપી છે.

કેન્યામાં વસતા ગુજરાતી સમુદાયની સંસ્થાઓએ રાહત કેમ્પમાં ભોજન અને દવાઓ પહોંચાડવાનું કામ શરૂ કર્યું છે.