રાજકોટ: ઈલેક્ટ્રિક ટ્રેક્ટર બનાવતા સ્ટાર્ટઅપને 50 કરોડનું ભંડોળ

રાજકોટના એક યુવા સ્ટાર્ટઅપે ઈલેક્ટ્રિક ટ્રેક્ટર વિકસાવવા માટે રોકાણકારો પાસેથી 50 કરોડ રૂપિયા એકત્ર કર્યા છે. કંપનીનો દાવો છે કે તેનું ટ્રેક્ટર ડીઝલ ટ્રેક્ટરની સરખામણીએ ચલાવવામાં 70 ટકા સસ્તું પડશે.

સ્થાપકોએ જણાવ્યું કે સૌરાષ્ટ્રના ખેડૂતો સાથે બે વર્ષ સુધી ફિલ્ડ ટ્રાયલ કરવામાં આવી હતી. એક વાર ચાર્જ કરવાથી ટ્રેક્ટર આઠ કલાક કામ કરી શકે છે.

નવા ભંડોળનો ઉપયોગ ઉત્પાદન ક્ષમતા વધારવા અને ગામડાંમાં સર્વિસ નેટવર્ક ઊભું કરવા માટે થશે.